Personal site

بۆ جاری 190 هه‌مین له‌سه‌ر دزی ده‌ستگیركرا

saholaka — Sun, 01 Feb 2009 10:11:54 GMT

بۆ جاری 190 هه‌م له‌سه‌ر دزی پۆلیسی ئه‌مریكا له‌ویلایه‌تی فلۆریدا كه‌سێكی ده‌ستگیركردو هۆكاری ده‌ستگیركردنه‌كه‌ی ئه‌م جاره‌یان هه‌وڵدانی ئه‌و كه‌سه‌ بوو بۆ دزینی ئۆتۆمبێلێكی جۆری بارهه‌ڵگر.
رۆژنامه‌ی باڵم پیچ له‌زاری پۆلیسی بوكا راتون له‌ویلایه‌تی فلۆریداوه‌ بڵاویكرده‌وه‌: پۆلیس توانیویه‌تی هێنری فاریل– ی ته‌مه‌ن 46 ساڵان ده‌ستگیربكات به‌هۆی ئه‌وه‌ی ویستویه‌تی ئۆتۆمبێلێكی بارهه‌ڵگری كه‌سێك بدزێت.
خاتوو ساندرا بونبێرگ وته‌بێژ به‌ناوی پۆلیسه‌وه‌ روونیكرده‌وه‌: فاریل رۆژی سێشه‌ممه‌ی رابردوو 20/1 ده‌ستگیركراوه‌و تۆمه‌تی دزینی ئه‌و بارهه‌ڵگره‌ی دراوه‌ته‌ پاڵ، ئه‌مه‌ش شتێكی سه‌یر نیه‌ چونكه‌ ئێمه‌ چه‌ند ساڵێكه‌ ده‌یناسین و پێده‌چێت ناوچه‌ی بوكا راتون- ی خۆش بوێت بۆیه‌ له‌وێدا نیشته‌جێیه‌.
وته‌بێژه‌كه‌ی پۆلیس ئاماژه‌ی به‌وه‌شداوه‌ كه‌یه‌كه‌مجار ئه‌و دزه‌ له‌ته‌مه‌نی 20 ساڵاندا له‌سه‌ر دزی ده‌ستگیركراوه‌و دزییه‌كانیشی له‌ 12 ناوچه‌ی فلۆریدادا ئه‌نجامداوه‌.

‌‌‌له‌شفرۆشی له‌ کوردستان

saholaka — Fri, 05 Dec 2008 19:26:17 GMT

دیارده‌ی له‌ش فرۆشی یه‌کێکه‌ له‌و نه‌خۆشیه‌ کۆمه‌ڵایه‌تیانه‌ی که ‌توشی کۆمه‌ڵگاو تاکی ناو کۆمه‌ڵگا ده‌بێت ئه‌وه‌ی که‌لێره‌دا گرنگه‌ گه‌ران به‌دوای بناوانی سه‌رهه‌لدانی ئه‌م دیارده‌یه‌یه‌، که ‌بۆچی وه ‌له‌به‌ر چی سه‌رهه‌ڵده‌دات که‌تاکی ناو کۆمه‌لگا توشی سه‌ر لێ شێواوی ده‌کات.
پێویسته‌ ئه‌وه‌بزانین که ‌له‌ش فرۆشی هیچ کات په‌یوه‌ندی به‌ ڕۆشنبیری بونی کۆمه‌ڵگا یاخوود پێشکه‌وتن وه‌ یان دواکه‌وتوی کۆمه‌لگاوه‌ نیه، به‌ڵکو چه‌ندین هۆکاری ئه‌ساسی خۆی هه‌یه‌. سه‌رهه‌ڵدانی دیارده‌ی له‌ش فرۆشی که ‌‌ئێمه‌ بمان هه‌وێت باسی لێوه‌ بکه‌ین وه‌ یا خود چاره‌سه‌ری بۆ بدۆزینه‌وه‌‌ یان له‌ هۆکاره‌کانی بکۆڵینه‌وه‌ ناتوانین ته‌نیا ئه‌م کاره‌ به‌وه‌زیفه‌ی ئه‌و ڕێکخراوانه ‌بزانین که‌ کار بۆ ڕیشه‌کێش کردنی کێشه‌ کۆمه‌ڵایه‌تیه‌کان ده‌که‌ن واته‌ رێخراوی ئافره‌تان. باکه‌مێک له ‌نێوه‌رۆکی ئه‌م بابه‌ته‌ ووردبینه‌وه ‌و بزانین‌ ئاخۆ ئه‌م دیارده‌یه‌ له‌ کۆمه‌ڵگاکانی ووڵاتانی تریشدا به‌دی ده‌کرێت؟ وه‌ ئایا‌ هۆکاره‌کانی ئه‌م دیارده‌یه‌ بۆچی ده‌گه‌رێته‌وه‌؟ ‌به‌ڵێ دیارده‌یه‌ له‌ نێو هه‌موو کۆمه‌لگاکانی جیهان به‌دی ده‌کرێت وه‌ به ‌پێی سروشتی و کولتوری ئه‌م کۆمه‌لگایه‌ ده‌گۆڕدرێت ،وه‌ شتێکی تریش که‌زۆر گرنگه‌ له‌ یا‌دمان بێت ئه‌وه‌یه‌ بارو دۆخی له‌ش فرۆشانو و له‌ش کڕان‌ که‌ به‌ پێی میکانیزمێک که ‌له‌‌و وڵاته‌ی ‌ لێی ده‌ژێت جیاوازه‌ ،ئه‌وه‌ی که ‌لێکی جیاده‌کاته‌وه‌‌ که‌م و زۆری دیارده‌که‌یه‌ له‌شوێنێکه‌وه‌ بۆ شوێنێکی تروه‌ وه‌زعیه‌ت وژیانی له‌شفرۆشانیش به‌هه‌مان شێوه‌.
بۆ نمونه‌ گه‌ر سه یری ووڵاتانی ئوروپا بکه‌ین گومانی تێدانیه ‌دیارده‌ی له‌شفرۆشی‌ ڕیژه‌که‌‌ی گه‌لێک زۆره‌و ‌ له‌ ش فرۆشان ئه‌م دیار ده یه‌ و هۆکاره‌که‌ی بۆ چه‌ند خاڵیک ده‌گێڕ نه‌وه که‌ یه‌کێک له‌وانه‌ پاره‌یه‌ که‌ژنان و کچان ناچار ده‌کرێن یاخود به‌ ویستی خۆیان ئه‌م کاره‌ هه‌لده‌بژێرن خاڵی دووه‌م زۆر له‌م که‌سانه‌ش تێڕوانینی جیا یاخود خوێندنه‌وه‌یه‌کی تریان هه‌یه‌ که‌ وه‌ کوو پیشه‌ یاخود کار ئه‌م دیارده‌یه‌ هه‌لده‌بژێرن ،وه‌ خاڵێکی تر ده‌گێرنه‌وه‌ بۆ خۆشه‌ویستیان بۆم کاره‌ وه‌ خاڵێکی تر زۆرێک له‌ له‌ش فرۆشان پێیان وایه‌ که‌ ده‌توانن به‌هۆی ئه‌م دیارده‌وه‌ زیارت sosial بن لێره‌وه‌ گه‌ر لیژ نه‌یه‌ک پێک بێت بۆ کار کردن له‌سه‌ر ئه‌م که‌سانه‌ی که‌ توشی ئه‌م دیاره‌ دزێوه‌بوون بێگومان ده‌بێت له‌ خشته‌دا ئه‌م خاڵانه‌ له‌به‌ر چاو بگیرێت.ئه‌وه‌شمان له‌بیرنه‌چێت ئه‌وانه‌ی ته‌نیا بۆ په‌یداکردنی بژێوی ژیان ئه‌م کاره‌ ده‌که‌ن به‌شێکیان هه‌تا له‌ژێر فشاری خراپی باری ئابوری بنه‌ماڵه‌کانیان ده‌ست ده‌ده‌نه‌ ئه‌م کاره باسه‌یرێکی ئه‌م ووڵاتانه‌‌ بکه‌ین که‌ دیار ده‌ی له‌ش فرۆشیان تێدا زۆره‌ ، یه‌کێک له‌و ووڵا تانه‌ی که‌ به‌ نموونه‌ باسی ده‌که‌ین وڵاتیThailand‌ که‌له‌ ساڵی1982که‌به‌ پێی لێکۆڵینه‌وه‌یه‌ک که‌کراوه‌ نزیکه‌ی 1ملیۆن ژنی له‌ش فرۆش هه‌بوه‌ ‌، وه‌ له‌ شه‌ری نێوانAmerika و وه‌ Vietnam کاتێک700 سه‌ر بازی ئه‌مریکا که‌ چونه‌ ناو Vietnam ‌وه‌ که‌ڵکی زۆریان له‌م ژن وکچانه‌ وه‌ر گرت که‌ بنه‌ماڵاکانیان ده‌ست کورتبونو ناچاربون که‌ ئه‌وان بفرۆشن .ئه‌م دیارده‌یه‌ وا‌یکرد که‌ له‌ش فرۆشی زیاتر بێت به‌ تایبه‌تی له‌ Vietnam.به‌پێی لێکۆڵینه‌وه‌یه‌ک که‌ له‌ Europa کراوه‌ ئه‌م ژنانه‌ی که‌ ئه‌م کاره‌ ده‌که‌ن به‌شی هه‌ره‌زۆریان له‌ وڵاتانی ئاسیاوه‌دێن وه‌کوو Vietnam ، Thailand، Amerika،Russland ،Afrika،له‌ وڵاتی نورووێژ که‌ دیارده‌ی له‌ش فرۆشی زۆر زۆره‌ نزیکه‌ی 700 ژن و کچی له‌شفرۆش ‌ که‌ هه‌موویان له‌ وڵاتانی ئاسیاوه‌ دێن، هۆکاری سه‌ره‌کی ئه‌وانه‌ ده‌ست کورتی یه‌ به‌ ڕاوه‌ی یه‌که‌م، که‌ ناچار ده‌کرێن ئه‌م پیشه‌یه‌ هه‌ڵبژێرن ته‌نانه‌ت زۆریان که‌ مۆڵه‌تی کارونیشته‌جێ بونیان له‌م وڵاته‌ پێنه‌دراوه‌ ته‌نها بۆ ماوه‌ی 3 مانگ دێن و کار ده‌که‌ن. .به‌ پێی سه‌ر ژمێریه‌ک که‌ له‌ Spania کراوه‌ 1ملیۆن ژنی له‌شفرۆشی هه‌یه‌ وه‌ 95 % ئه‌وانه‌ له‌ ده‌ره‌وه‌ ڕا دێن، وه‌ساڵانه‌ له‌وڵاتانی Rusland Afrika ,Amerika , نزیکه‌ی 1 ملیۆن ژنی له‌ش فرۆش ده‌گوازرێنه‌وه‌ بۆ vest-Europa،دیاره‌ له‌ کوردستانی خۆمان گومان نیه‌ که‌ دیار ده‌ی له‌ش فرۆشی هه‌یه، وه‌ ده‌کرئ ئه‌وه‌ بڵێین که‌ ئه‌م دیار ده‌یه‌ هه‌ر له‌دێر زه‌مانه‌وه‌ بوه‌ به‌ڵام نه‌ به‌م شێوه‌یه‌ زۆره‌ی ئێستا، وه‌ له‌ کوردستان هه‌ر له‌دوای پرۆسه‌ی ئازادی عیراق روی له‌زیاد بوون کردوه‌ ، ‌
به‌ڵام مێدیای کوردی ئه‌وه‌نده‌ ئازاد نیه‌ که‌ رێگه‌ی هه‌بێت که‌ بوێرانه‌ به‌دوای ئه‌م دیارده‌یه‌ بکه‌وێت وه‌ کوو وڵاتانی ئوروپا که‌ چه‌ندان دێبات وتوه‌ژینه‌وه‌ی له‌سه‌ر بکرێت وه‌ لایه‌نی په‌یوه‌ندی دار به‌م بابه‌ته‌ به‌شداربن گوایه‌ ماوه‌یه‌ک له‌مه‌و به‌ر باندێکی له‌شفرۆش که‌ له‌ یه‌کێک شاره‌کانی کوردستان ده‌ست گیرکراوه‌ که‌ ژماره‌یان 4 کاس بوه‌و وه‌ له‌ ئه‌نجام دا 25 له‌شکڕ ده‌ست گیر کراون.ئه‌وه‌ی که‌ لێره‌دا به‌ ڕاده‌ی یه‌که‌م به‌رپر سه‌ له‌ به‌رابه‌ر ئه‌م گرفته‌ کۆمه‌ڵایه‌تیه دا‌ ده‌سه‌ڵات دارانی ولاتن پاشان رێخڕاوه‌کان. با لێره‌وه‌ هه‌وڵ بده‌ین هه‌موو ئه‌م نه‌خۆشیه‌ کۆمه‌لایه‌تیانه‌ی که‌ کۆمه‌ڵگای کوردی وبه‌تایبه‌ت ژنان به‌ره‌و نه‌هامه‌تی وهه‌ڵدێر ده‌به‌ن‌ به‌شێوه‌یه‌کی زانستیانه‌و سه‌رده‌میانه‌ کاری بۆ بکرێوئه‌و که‌سانه‌ی که‌توشی ئه‌م دیارده‌یه‌بوون‌ هه‌وڵ به‌درێت به‌ نهێنی کاریان له‌سه‌ر بکرێت بۆئه‌وه‌ی جارێکی تر ئه‌وکه‌سانه‌ باوه‌ڕبه‌خۆبون له‌ناخیاندا دروست بێته‌وه‌و،بتوانن خۆیان له‌کۆمه‌ڵگه‌دا بدۆزنه‌وه‌ درێژه‌ به‌ ژیانی ئاسایی خۆیان بده‌ن. با به‌چاوێکی که‌م چاویان لێنه‌کرێوو چیتر ناچار نه‌کرێن که‌ بازرگانی به‌جه‌سته‌یان بکه‌ن ،وه‌ هه‌موو ئه‌وانه‌ی پێیان وایه‌ ئه‌م کاره‌ شۆڕشێکه‌ له‌به‌رابه‌ر کۆمه‌ڵگای پیاو سالاریدابا به‌ چاو قایموو ناشیرین دانه‌نرێن . چونکه‌ ئه‌وانه‌ بوونه‌ خۆراکی هه‌موو ئه‌م نه‌خۆشیانه‌ی که‌ کۆمه‌ڵگایان گرتوه‌. ئه‌وانه‌ن که‌ خۆیان فیدای هه‌موو شتێک کردوه‌،با به‌هه‌موان هه‌وڵبده‌ین وشیار بکرێنه‌وه‌و ،چونکه‌ ئه‌وانه‌ قوربانی نه‌ریت و کولتورو پرنسیبه‌کانی کۆمه‌ڵگان
بۆ بنه‌ بڕکردنی ئه‌م دیارده‌یه‌‌ چه‌ندخاڵیکی گرنگ هه‌یه‌‌ کا‌ریان له‌سه‌ر بکرێت
1- دامه‌زراندنی ڕێکخراوێکی تایبه‌ت له‌ که‌سانی پسپۆڕو چالاک ،‌کاریان ته‌نیا بنبڕ کردنی ئه‌م دیارده‌یه‌ بێت
2- پێویسته‌ ئه‌وڕێکخراوه‌ ناوێکی دیاری کراوی خۆی هه‌بێت بۆنمونه‌ ( ڕل) واته‌ ڕیشه‌کێشکردنی له‌ش فرۆشی حکومه‌تیش پشتیوانیو ئیمکاناتی ته‌واویان بخاته‌ به‌ر ده‌ست وه‌ هاوکاریان بێت
3- هه‌بوونی تیئۆریه‌کی له‌با‌رو گوونجاو بۆم رێکخراوه‌
4- کۆکردنه‌وه‌ی هه‌موو ئه‌وانه‌ی توشی ئه‌م دیار ده‌یه‌بوون وبه‌شیوه‌یه‌کی ئینسانیانه‌ هه‌ڵسوکه‌وتیان له‌گه‌ل بکرێت
5- دانانی سزا بۆ له‌ش فرۆشو له‌ش کڕان به‌ یه‌کسانی وبێ جیاوازی ئه‌گه‌ر ئه‌م دیار ده‌یه‌ به‌ تاوان ده‌نرێت ، که‌واتا هه‌ر دووک وه‌کوو یه‌ک تاوان بارن
6- به‌وردی کار له‌گه‌ل ئه‌وانه‌ بکرێت که‌ توشی ئه‌م نه‌ خۆشیه‌بوون له‌ هۆکاره‌کانیان بکۆڵرێته‌وه‌و داواکانیان بۆجێبه‌جێ بکرێت.

مامۆستایه‌كی زانكۆ نمره‌ به‌رامبه‌ر سێكس ده‌گۆڕێته‌وه‌

saholaka — Fri, 05 Dec 2008 19:24:08 GMT

هه‌میشه‌ وتراوه‌ مامۆستایان وه‌كو دایك‌و باوكی خوێندكارانن‌و قوتابخانه‌و زانكۆش ماڵی دووه‌می خوێندكارانه‌. به‌ڵام به‌پێچه‌وانه‌وه‌ له‌ به‌شی عه‌ره‌بی ( كۆلێژی ئاداب – خانه‌قین) هه‌ندێ له‌ مامۆستاكان به‌رامبه‌ر به‌ ڕابواردنی سێكسی له‌گه‌ڵ خوێندكاره‌ كچه‌كاندا نمره‌ ده‌به‌خشن. مامۆستا( ص. ع) كه‌ عه‌ره‌بێكه‌و مامۆستای مادده‌ی (نحو)ه‌، له‌و كۆلێژه‌دا یه‌كێكه‌ له‌ مامۆستا نه‌شازه‌كان‌و هه‌میشه‌ له‌ هه‌وڵی ده‌سته‌مۆكردنی خوێندكاره‌ كچه‌كاندایه‌‌و بۆیه‌ به‌هه‌موو شێوه‌یه‌ك لێیان نزیك ده‌بێته‌وه‌و به‌رامبه‌ر به‌پێدانی نمره‌ له‌گه‌ڵیاندا راده‌بوێرێت. له‌گه‌ڵ رێزمدا بۆ هه‌موو كچانی زانكۆ دیاره‌ عزه‌تی نه‌فسی كچه‌كان زۆر له‌وه‌ به‌رزتره‌ كه‌ كه‌سێكی وه‌كو (ص) بتوانێت زه‌فه‌ریان پێ ببات. هه‌رچه‌نده‌ ئاشكرایه‌ له‌هه‌موو شوێنێ مرۆڤی چاك‌و خراپ هه‌یه‌، به‌هه‌مان شێوه‌ش له‌م كۆلێژه‌دا چه‌ند كچێك ئابڕوی خۆیان فرۆشتووه‌ له‌ پێناوی نمره‌دا.
سێ كه‌س له‌و كچانه‌ به‌ناوه‌كانی( ر.ج) (ئا.ح) (س.ق) كه‌ خوێندكاری قۆناغی یه‌كه‌می به‌شی عه‌ره‌بی ئه‌م كۆلێژه‌ن له‌و كچانه‌ن كه‌ كه‌وتوونه‌ته‌ داوی ئه‌م به‌ناو مامۆستایه‌‌و ئابڕووی خۆیان له‌ده‌ستداوه‌‌و رۆژانه‌ به‌به‌رچاوی خوێندكارانی كۆلێژه‌كه‌وه‌ سه‌ردانی ژووره‌كه‌ی م.(ص) ده‌كه‌ن، ئه‌ویش به‌ مه‌به‌ستی تایبه‌تی‌و كاری نه‌گونجاو، له‌به‌رامبه‌ردا ناوبراو به‌ڵینی ده‌رچونیانی داوه‌‌و هه‌موو خوێندكاره‌كانیش ئه‌م راستیه‌ ده‌زانن.
هه‌فته‌یه‌ك به‌رله‌ ده‌ستپێكی تاقیكردنه‌وه‌كان وه‌ك ناڕه‌زایه‌تیه‌ك له‌به‌رامبه‌ر ئه‌م كاره‌ ناشیرنانه‌ی م.ص، چه‌ند خوێندكارێكی كوڕو كچی كۆلێژه‌كه‌ سه‌ردانی مه‌ڵبه‌ندی خانه‌قینی (ی.ن.ك) كرد‌و ئه‌م كێشه‌یه‌یان راسته‌وخۆ پێگوتن، ئه‌وانیش به‌ڵێنی چاره‌سه‌ركردن‌و ته‌مبێكردنی (ص) یان داو هه‌ربۆیه‌ هه‌مان رۆژ ستافێكی مه‌ڵبه‌ندی ناوبراو سه‌ردانی كۆلێژه‌كه‌یانی كرد‌و دوای دانیشتنیكی زۆر به‌ڵێنی ئه‌وه‌یان له‌ ڕاگرو مامۆستاكان وه‌رگرت كه‌ جارێكی تر شتی ئاوا دووباره‌ نه‌بێته‌وه‌، به‌ڵام به‌داخه‌وه‌، م.(ص) هه‌ر به‌رده‌وامه‌ له‌سه‌ر هه‌ڵسوكه‌وته‌ ناشرینه‌كانی‌و تا ئێستاش كه‌ كاتی ئیمتیحانه‌ به‌به‌رچاوی خوێندكاره‌كانی تر له‌م سێ كچه‌ نزیك ده‌بێته‌وه‌و بانگیان ده‌كات بۆ ژووره‌كه‌ی خۆی‌و له‌ ڕقی ئه‌و خوێندكارانه‌ی كه‌ شكاتیان لێكردبوو به‌ ئاشكرا له‌كاتی ئیمتیحانا هاوكارییان ده‌كات... هه‌روه‌ها داواشی له‌م سێ كچه‌ كردووه‌ كه‌ ناوی ئه‌م خوێندكارانه‌ی پێ بده‌ن كه‌ له‌ مه‌ڵبه‌ندی خانه‌قینی (ی.ن.ك) شكاتیان لێكردووه‌‌و بۆ ئه‌وه‌ی له‌ تاقیكردنه‌وه‌دا ده‌ریان نه‌چوێنێ.
بۆیه‌ پێویسته‌ له‌سه‌ر هه‌موو خوێندكارانه‌ به‌ گشتی كه‌ به‌هیچ شێوه‌یه‌ك رێگه‌ نه‌ده‌ن عه‌ره‌بێكی وه‌كو(ص) وانه‌ بڵێته‌وه‌ن بۆ ئه‌وه‌ی زانكۆ له‌بری به‌رهه‌مهێنانی مه‌عریفه‌ نه‌بێته‌ شوێنی كاری نه‌گونجاوو ئه‌ویش به‌ سیحری به‌خشینی ده‌ره‌جه‌ كچی كورد سوك بكات، هه‌روه‌ها پێویسته‌ رێگه‌ به‌و كچانه‌ش نه‌درێت له‌پێناوی مژده‌ی ده‌رچواندن‌و نمره‌دا ته‌سلیمی ئاره‌زوه‌كانی (ص) بن. هه‌روه‌ها پێویسته‌ لایه‌نی به‌رپرس به‌جیدی له‌م كێشه‌یه‌ بكۆڵێته‌وه‌و ناوبراو سزا بدات. من كاتێ ئه‌م چه‌ند دێره‌ بۆ كوردستانیوزی عه‌زیزو خۆشه‌ویست ده‌نێرم به‌ڵگه‌ی ته‌واوم له‌به‌ر ده‌ستدایه‌‌و زۆر دڵنیام له‌و قسانه‌ی كه‌ نووسیومه‌و گه‌ر هه‌ركه‌سێك گومانی له‌ راستگۆیی من هه‌یه‌ با خۆی بچێت له‌م مه‌سه‌له‌یه‌ بكۆڵێته‌وه‌و ئه‌وكات ده‌زانێ ئه‌وه‌ی من له‌سه‌ر ئه‌و فه‌زاحه‌ته‌ وتراوه‌ هێشتا دڵۆپێكه‌ له‌ ده‌ریایه‌ك. هه‌موو كه‌سیش ئه‌وه‌ ده‌زانێ له‌م ماوه‌ی رابردوودا خوێندكارێكی هه‌مان كۆلێژی له‌كچ كردوو له‌ترسی كه‌س‌و كاری‌و بڵاوبوونه‌وه‌ی به‌ناچاری هه‌ستا له‌خۆی ماره‌ی كرد، ئه‌م راستیه‌ هه‌موو خوێندكاره‌كان ده‌یزانن.

چیرۆكی‌ ئه‌و كچه‌ی‌ له‌لایه‌ن ئامۆزاكه‌یه‌وه‌ به‌زۆر كراوه‌ به‌ژن

saholaka — Thu, 04 Dec 2008 18:15:51 GMT

چیرۆكی‌ ئه‌و كچه‌ی‌ له‌لایه‌ن ئامۆزاكه‌یه‌وه‌ به‌زۆر كراوه‌ به‌ژن

«په‌ری‌» هه‌میشه‌ ده‌ست به‌دوعایه‌و ده‌پاڕێته‌وه‌ كه‌ كه‌س نه‌چێته‌ داخوازیی‌ بۆ لای‌ باوكی‌‌و، شوو نه‌كات، چونكه‌ ئه‌و تازه‌ كچێنی‌ له‌ لایه‌ن ئامۆزاكه‌یه‌وه‌ لێسه‌ندراوه‌و له‌ ترسی‌ كوشتنیشی‌ ناتوانێت هه‌رگیز ئه‌و نهێنییه‌ بدركێنێت.
په‌ری‌ ته‌مه‌ن 26 ساڵ، كه‌ دانیشتووی‌ شاری‌ سلێمانییه‌و له‌ گوندی‌ (.....) له‌ دایكبووه‌، له‌ ماڵی‌ خۆیاندا له‌ لایه‌ن ئامۆزاكه‌یه‌وه‌ په‌لامار دراوه‌و سه‌رباری‌ ئه‌وه‌ی‌ كردویه‌تی‌ به‌ ژن، به‌ چه‌قۆ سه‌رشانی‌ دادڕیوه‌. ئێستاش هه‌ڕه‌شه‌ی‌ ئه‌وه‌ی‌ لێده‌كات گه‌ر بیدركێنێت ئه‌وا به‌ باوكی‌ په‌ری‌ ده‌ڵێت «كاتێك ماڵه‌كه‌ چۆڵ بوو هاتمه‌وه‌، په‌ریم بینی‌ له‌گه‌ڵ كوڕێكدا، كوره‌كه‌ هه‌ڵهات‌و منیش په‌ریم والێكرد».
په‌ری‌، به‌ده‌م هه‌نسك‌و گریانه‌وه‌ چیرۆكی‌ خۆی‌ ده‌گێڕایه‌وه‌ كه‌ هه‌ر له‌ سه‌ره‌تای‌ ته‌مه‌نیه‌وه‌ له‌ گه‌ڵ ماڵه‌ باوكێكی‌ عه‌شایه‌ردا ژیاوه‌و نه‌یانهێشتووه‌خوێندن ته‌واو بكات، ئه‌و دوای‌ ئه‌وه‌ی‌ له‌پۆلی پێنجی‌ سه‌ره‌تایدا ده‌ست له‌خوێندن هه‌ڵده‌گرێت، له‌ماڵه‌وه‌ هاوكاری‌ دایكی‌ ده‌كات‌و سه‌رقاڵی‌ لفكه‌ چنین ده‌بێت. «ئه‌وه‌نده‌ حه‌زم هه‌بوو بۆ خوێندن، كچه‌ هاوڕێكه‌م چی‌ له‌خوێندنگا بخوێندایه‌ لێم وه‌رده‌گرت‌و ده‌مخوێنده‌وه‌، هه‌ر به‌هۆی‌ ئه‌وه‌شه‌وه‌ یه‌كلایه‌نه‌ حه‌زم له‌براكه‌ی‌ كرد». په‌ری‌ ئه‌و ده‌مه‌ی‌ فرمێسك به‌چاوه‌كانیدا وه‌ك باران ده‌هاته‌ خوار، به‌ده‌م هه‌نسكه‌وه‌ باسی‌ له‌ دڕنده‌یی‌ ئه‌و كوڕه‌ ئامۆزایه‌ی‌ ده‌كرد كه‌ هه‌ر له‌ دوای‌ مردنی‌ مامیه‌وه‌ چاوی‌ تێبڕیوه‌و هه‌میشه‌ له‌بۆسه‌دا بووه‌ بۆ ئه‌وه‌ی‌ كه‌ به‌ حساب ماره‌ی‌ بكات، به‌ڵام «ئه‌وه‌نده‌ نا مرۆڤانه‌ مامه‌ڵه‌ی‌ كرد كه‌ ته‌نها مه‌رامه‌ گڵاوه‌كه‌ی‌ تۆڵه‌ سه‌ندنه‌وه‌ بوو به‌وه‌ كه‌ بمكات به‌ ژن‌و دوایش نه‌مهێنێت، چونكه‌ ئه‌یزانی‌ هه‌رگیز پێی‌ رازی‌ نابم».
په‌ری‌، ئه‌و رۆژه‌ی‌ كه‌ ئاهه‌نگی‌ شووكردنی‌ كچی‌ مامه‌كه‌ی‌ ده‌بێت هه‌موویان ده‌چنه‌وه‌ بۆ لادێ بۆ شاییه‌كه‌ی‌، به‌ڵام له‌به‌ر ئه‌وه‌ی‌ په‌ری‌ ماوه‌ی‌ چه‌ند مانگێك پێش ئه‌وه‌ قاچی‌ ده‌شكێت‌و گه‌چی‌ پێوه‌ ده‌بێت، به‌شداری‌ له‌ ئاهه‌نگه‌كه‌دا ناكات‌و له‌ ماڵه‌وه‌ ده‌مێنێته‌وه‌ «ئه‌و كاته‌ی‌ له‌ ماڵه‌وه‌ بووم له‌ ده‌رگا درا، كه‌ كردمه‌وه‌ كوڕه‌كه‌ی‌ ئامۆزام بوو بۆنی‌ مه‌شروبی‌ لێده‌هات، هاته‌ ژووره‌وه‌و هه‌ر كه‌ به‌خێرهاتنم كرد ده‌ستی‌ گرتم، خۆم له‌ده‌ستی‌ رزگاركردو به‌ شه‌له‌شه‌ل رامكرده‌ ژووره‌كه‌ی‌ تر، به‌ڵام پاڵی‌ نا به‌ ده‌رگاكه‌وه‌و په‌لاماری‌ دام، منیش تا هێزم تیا بوو گازێكم له‌ده‌ستی‌ گرت‌و ده‌ستی‌ خوێنی‌ لێهات‌و ئه‌وه‌نده‌یتر شێت گیر بوو، په‌لاماری‌ ته‌له‌فۆنه‌كه‌ی‌ داو، ته‌له‌فۆنی‌ بۆ دایكی‌ كردو دایكی‌ پێی‌ وت كه‌ دوو سه‌عاتێكی‌ تر ده‌گه‌ڕێنه‌وه‌، به‌ڵام پێشتر من پێم وتبوو كه‌ به‌ڕێگه‌وه‌ن، بۆیه‌ پێی‌ وتم: قه‌حبه‌ بۆ درۆم له‌گه‌ڵ ئه‌كه‌یت». هه‌ڵی گرتم دامی‌ به‌ زه‌ویدا كاتێك هۆشم هاته‌وه‌ هه‌مووگیانم خوێن بوو، جله‌كانم له‌به‌رمدا دڕابوو، منیش به‌ گریان رامكرد بۆ مه‌تبه‌خه‌كه‌‌و كه‌ به‌دوامدا هات، ‌ویستم هاوار بكه‌م یه‌كسه‌ر كه‌وانته‌ره‌كه‌ی‌ كرده‌وه‌و چه‌قۆكه‌ی‌ ده‌رهیناو دای‌ له‌سه‌ر شانم هه‌مووگیانم بوو به‌ خوێن».
وه‌ك په‌ری‌ باسی‌ ده‌كات ئه‌وكاته‌ ئامۆزاكه‌ی‌ زۆر ئه‌ترسێت‌و خێرا ده‌یباته‌ حه‌مامه‌كه‌و جله‌خوێناوه‌كانی‌ ده‌گۆڕێت‌و جلی‌ تری‌ بۆ ده‌هێنێت تا له‌به‌ری‌ بكات. زۆر به‌توڕیی‌ پێی وتم «گوێ بگره‌ یه‌ك قسه‌ له‌دمت بێته‌ ده‌ره‌وه‌، به‌ باوكت ئه‌ڵێم په‌ری‌ فرسه‌تی‌ له‌وه‌ هێناوه‌ كه‌ ئێوه‌ له‌ماڵ نه‌بوون، كوڕێكی‌ هێناوه‌ته‌ ماڵه‌وه‌و به‌ رووتی‌ به‌ یه‌كه‌وه‌ بینیومن. بۆیه‌ منیش وام كردوه‌ كوڕه‌كه‌ش ڕایكردوه‌. كه‌ ئه‌مه‌ی‌ وت من ئه‌ژنۆم شكا، چونكه‌ ئه‌مزانی‌ كه‌ هه‌موو شتێكی‌ له‌ده‌س دێت، باوكیشم باش ئه‌ناسم ، یه‌ك‌و دوو له‌كوشتنم ناكات، بۆیه‌ ناچار بێده‌نگ بووم ئه‌و رۆیشته‌ ده‌ره‌وه‌، منیش به‌ ئازاره‌وه‌ ئه‌تلامه‌وه‌، خه‌می‌ هاتنه‌وه‌ی‌ ماڵه‌وه‌ش با بۆستێ، بینیم تۆزێك له‌گه‌چه‌كه‌ی‌ قاچم خوێنی‌ پێوه‌یه‌، به‌په‌له‌ به‌چه‌قۆ كڕاندم تا دیارنه‌بێت. هێنده‌ی‌ نه‌برد هه‌موویان به‌ دڵخۆشی‌و به‌ جلی‌ باق‌وبریقه‌وه‌ هاتنه‌وه‌، منیش به‌ ده‌م ئازاره‌وه‌ ده‌تلامه‌وه‌، بێئه‌وه‌ی‌ بهێڵم كه‌س بیزانێت، خوا ڕه‌حمی‌ به‌وه‌ كردبوو له‌سه‌ره‌تای‌ رووداوه‌كه‌وه‌ قاچم له‌ گه‌چدا بوو، ئیشی‌ ماڵم نه‌ئه‌كرد، ئه‌گینا هه‌ر زوو كه‌شف ئه‌بووم. برینه‌كه‌شم زۆر بوو نزیكه‌ی‌ 25سم درێژو 1.5 سم قوڵ بوو. ئێستا برینه‌كه‌م باشه‌، به‌ڵام ئه‌وه‌ی‌ كه‌ من زۆر لێی‌ ئه‌ترسم ئه‌وه‌یه‌، كه‌ من بووم به‌ ژن، وتم قیروسیا ئه‌كه‌م‌و شوو به‌و خوێڕیه‌ ئه‌كه‌م، به‌ڵام له‌به‌ر ئه‌وه‌ی‌ من ساغ نه‌بمه‌وه‌ به‌سه‌ریا زوو چوو ژنی‌ ماره‌كرد.
په‌ری‌ له‌ دوا وته‌كانیدا له‌ جیاتی‌ چاوه‌ڕوانی‌ كردنی‌ چاره‌سه‌ر به‌بێ هیواییه‌كی‌ زۆره‌وه‌ وتی‌ «تازه‌ ژیان بۆ منی‌ بێچاره‌ هیچ مانایه‌كی‌ نه‌ماوه‌و گه‌ر پێم بزانن به‌ ده‌رده‌كه‌ی‌ دوعام ده‌به‌ن‌و به‌ بلۆك ده‌مكوژن».

هاوڵاتییه‌ك بۆ بازرگانی‌ كردن به‌مادده‌ هۆشبه‌ره‌كانه‌وه په‌نا ده‌باته‌ به‌ر قورئان‌..

saholaka — Wed, 03 Dec 2008 15:39:41 GMT

هاوڵاتییه‌كی‌ دانیشتووی‌ كوێت هیچ رێگایه‌كی‌ نه‌دۆزییه‌وه‌ بۆ شاردنه‌وه‌ی‌ بڕێك مادده‌ی‌ هۆشبه‌ر، په‌نای‌ برده‌ به‌ر قورئانێك‌و مادده‌ هۆشبه‌ره‌كه‌ی‌ له‌ نێوان په‌ره‌كانی‌ قورئانه‌كه‌دا شارده‌وه‌.
پۆلیسی‌ روبه‌روبوونه‌وه‌ی‌ مادده‌ هۆشبه‌ره‌كان له‌ كوێت له‌ گه‌ڕانێكی‌ ئاسایی‌ دا له‌ رێگه‌ی‌ سه‌گێكی‌ مه‌شقپێكراوه‌وه‌، بڕێك مادده‌ی‌ هۆشبه‌ر ده‌دۆزنه‌وه‌، له‌ هه‌مووی‌ سه‌یرتر ئه‌وه‌بوو، ئه‌م هاوڵاتییه‌ بۆ ئه‌وه‌ی‌ كه‌ش گومانی‌ لێ نه‌كات مادده‌ هۆشبه‌ره‌كه‌ی‌ له‌ناو قورئانێكدا شاردبۆیه‌وه‌، به‌ڵام سه‌گه‌كه‌ توانی‌ له‌ رێگه‌ی‌ بۆنه‌وه‌ سه‌رچاوه‌ی‌ مادده‌ هۆشبه‌ره‌كه‌ ئاشكرا بكات، كه‌ له‌ ناو په‌ره‌كانی‌ كتێبی‌ قورئاندا شاردرابوونه‌وه‌.
هاوڵاتییه‌كه‌ش دوای‌ ده‌ستگیر كردنی‌ ئاماژه‌یدا به‌وه‌ی‌ كه‌ پێشبیی‌ نه‌ده‌كرد هیچ كه‌س هه‌ست بكات مادده‌ی‌ هۆشبه‌ر له‌ناو قورئاندا شاردرابێته‌وه‌، بۆیه‌ ئه‌و رێگه‌یه‌ی‌ به‌كارهێناوه.‌

ڕێگه‌ی خۆشه‌ویستی

saholaka — Wed, 03 Dec 2008 15:38:00 GMT

ئه‌گه‌ر بمزانیدایه‌ خۆشه‌ویستی ئه‌وه‌نده‌ گرانه‌
هه‌رگیز به‌سه‌ر شاخی خۆشه‌ویستی تۆده‌ هه‌ڵنه‌ده‌گه‌ڕام
ئه‌گه‌ر ده‌مزانی ڕێگای خۆشه‌ویستی تۆ ئه‌وه‌نده‌ دوور و درێژه‌
هه‌رگیز نه‌ده‌بووم به‌ ڕێبواری ئه‌م ڕێگایه‌
به‌ڵێ ئه‌گه‌ر تۆ نه‌بویتایه‌
چاوانی من شه‌وانه‌ و ڕۆژانه‌ فرمێسکیان بۆ تابلۆ بێڕه‌نگه‌کانی تۆ نه‌ده‌ڕژاند
من هه‌رگیز تازه‌ له‌ناو ده‌ریای ئه‌شقی تۆدا ڕزگارم نابێ
چوونکه‌ من له‌ناو هه‌ستی ئه‌شقێکی بێناونیشاندا ده‌ژیم
ئاخر ئه‌زیزه‌که‌م من تاکه‌ی چاوانم له‌ڕێگه‌ی دووریه‌که‌ی تۆدا بڕوانێ
ئه م شيعره نيردراو له لايه ن براى ئه زيزمان كاكه rebo_sw

په‌تی‌ سێداره‌ی‌ زیندانی‌ ئه‌بو غرێب له‌سلێمانی‌ نمایشكرا

saholaka — Wed, 03 Dec 2008 15:27:14 GMT

زۆرجار گوێبیستی پێشكه‌وتنی ته‌كنه‌لۆژیا ده‌بین، به‌ڵام به‌هۆی داخراوی كۆمه‌ڵگه‌كه‌مان و بێ ئاگایمان ڕه‌نگه‌ ئه‌گه‌ر بۆشمان باس بكرێت، به‌ڕاستی نه‌زانین و ئه‌وه‌ی نه‌چێته‌ عه‌قڵمانه‌وه باوه‌ڕی پێ ناكه‌ین و به‌شتێكی مه‌حاڵی ده‌زانین، بۆیه‌ من به‌ باشمزانی له‌م بابه‌ته‌دا ته‌كنه‌لۆژیایه‌كی نوێی مایكرۆسۆفتان پێ ئاشنا بكه‌م به‌شێوه‌ی ڤیدیۆ به‌ناوی مایكرۆسۆفت سورفه‌یس، تاوه‌كو به‌چاوی خۆتان بیبین پێشكه‌وتنی ته‌كنه‌لۆژیا گه‌یشتۆته‌ چ ئاستێك؟‌

ئه‌وه‌ی له‌م فایله‌ ڤیدۆیه‌ ده‌یبینن شتێكی خه‌یاڵی نییه‌ و به‌ڵكو ته‌كنه‌لۆژیایه‌كی پێشكه‌وتووی كۆمپانیای مایكرۆسۆفته‌، سه‌رنج بده‌ن ئه‌م ته‌كنه‌لۆژیایه‌ چ ئاسانكارییه‌كی كردووه‌؟ هه‌ر له‌ بینینی وێنه‌كانی ناو كامێرایه‌كی دیجتاڵ پاشان ناردنیان به‌هۆی بلوتوسه‌وه‌ بۆ مۆبایل، یان سه‌رنج بده‌ن دوو هاوڕێ پێكه‌وه‌ ده‌چنه‌ قاوه‌خانه‌یه‌ك و بزانن شێوازی پاره‌دان له‌و قاوه‌خانه‌ له‌لایه‌ن ئه‌و دوو هاوڕییه‌وه‌ به‌هۆی فیزه‌كارته‌كانیانه‌وه‌ چۆنه‌؟ من نامه‌وێ زیاتر له‌سه‌ری بدوێم خۆتان بیبینن و دواتر بڕیار بده‌ن

په‌تی‌ سێداره‌ی‌ زیندانی‌ ئه‌بو غرێب له‌سلێمانی‌ نمایشكرا

saholaka — Wed, 03 Dec 2008 15:24:43 GMT

ئێواره‌ی‌ رۆژی‌ سێ شه‌ممه‌، له‌پێشانگایه‌كدا په‌تی‌ سێداره‌ی‌ ئه‌بو غرێب نمایشكرا، كه‌ پێشانگاكه‌ بۆ "نامه‌ی‌ ژووره‌ تاریكه‌كانی‌ زیندانی‌، 120 له‌سێداره‌دراوی‌ كورد له‌مۆزه‌خانه‌ی‌ شاری‌ سلێمانی‌ كرایه‌وه‌
ئاوێنه‌، سلێمانی‌: عه‌بدوڵا كه‌ریم محه‌مه‌د، كه‌یه‌كێكه‌ له‌زیندانیكراوانی‌ ده‌ستی‌ رژێمی‌ به‌عس،رۆژی‌ سێ شممه‌، پێشانگایه‌كی‌ بۆ ئه‌و نامه‌و دۆكۆمێنتانه‌ی‌ له‌زیندانی‌ ئه‌بو غرێب له‌لایه‌ن زیندانییه‌ كورده‌كانه‌وه‌ نوسرابوون. كه‌ نامه‌كان 120 له‌سێداره‌دراوی‌ شاری‌ سلێمانی‌‌و ده‌وروبه‌ری‌ بۆ خێزانه‌كانیان‌و خزم‌و كه‌س‌و كاریان له‌زیندانی‌ ئه‌بوغرێبه‌وه‌ ناردووه‌.
عه‌بدوڵا كه‌ریم محه‌مه‌د ناسراو به‌"رابه‌ر" له‌ساڵی‌ 1989 بۆ ساڵی‌ 1990 له‌زیندانی‌ ئه‌منی‌ شاری‌ سلێمانی‌ له‌سه‌ر كاری‌ سیاسه‌ت زیندانیكرابوو، هۆكاری‌ كردنه‌وه‌ی‌ ئه‌م پێشانگایه‌ی‌ بۆ ئه‌وه‌گه‌رانده‌وه‌ تاوه‌كو "ئه‌و كه‌سانه‌ی‌ ئێستا له‌سه‌ر كورسی‌ ده‌سه‌ڵاتن وه‌بیریان بێته‌وه‌ كه‌ خوێنی‌ ئه‌م شه‌هیدانه‌یه‌ كه‌ئه‌وانی‌ گه‌یاندۆته‌ ده‌سه‌ڵات، ناكرێت مێژوو دوباره‌ بكه‌نه‌وه‌".
زۆرینه‌ی‌ نامه‌كانی‌ پێشانگاكه‌ كه‌ خۆی‌ له‌زیاتر له‌ 200 نامه‌ ئه‌دات، بارودۆخی‌ زیندانی‌ كردن‌و ئه‌شكه‌نجه‌دانی‌ ئه‌و 120 له‌سێداره‌دراوه‌ ده‌خاته‌ روو كه‌ له‌ساڵانی‌ زیندانیكردنیان‌و پێش له‌سێداره‌دانیان بۆ هاوسه‌رو مندال‌و كه‌س‌وكاره‌كانیان نوسیوه‌.
له‌سێداره‌دراوان وه‌ك له‌وێنه‌كاندا ده‌رده‌كه‌وتن ژن‌و گه‌نج‌و به‌ساڵاچووی‌ تیادا به‌دی‌ ده‌كرا.
له‌م پێشانگایه‌دا جگه‌ له‌نامه‌كان وێنه‌ی‌ ئه‌و زیندانیكراوانه‌ نمایشكرابوون كه‌ له‌ساڵانی‌ حوكمی‌ رژێمی‌ به‌عس له‌زیندانی‌ ئه‌بو غرێب له‌سێداره‌درابوون، جگه‌ له‌وه‌ش گوریسێك له‌سوچێكی‌ هۆڵه‌كه‌ هه‌لواسرابوو، كه‌ ئاماده‌كاری‌ پێشانگاكه‌ هێمای‌ بۆ ئه‌وه‌كرد"ئه‌و گوریسه‌ یه‌كێكه‌ له‌و گوریسانه‌ی‌ كه‌ له‌زیندانی‌ ئه‌بو غرێب زیندانیكراوانی‌ پێ‌ له‌سێداره‌ دراوه‌".
عه‌بدوڵا كه‌ریم محه‌مه‌د له‌گه‌ڵ كردنه‌وه‌ی‌ پێشانگاكه‌دا، به‌ئاوێنه‌ی‌ راگه‌یاند"هیوادارم ئه‌م پێشانگایه‌ كاریگه‌ری‌ ته‌واو به‌جێ‌ بهێڵێ‌‌و سه‌ركرده‌كانیشمان نه‌هیڵن هیچ رژێمێكی‌ تر مێژوویه‌كمان بۆ دوباره‌ بكاته‌وه‌ كه‌ به‌خوێنی‌ خۆمان نوسیومانه‌".
ناوبراو ساڵی‌ 1956 له‌گه‌ره‌كی‌ كانیسكانی‌ شاری‌ سلێمانی‌ له‌دایكبووه‌، پله‌ی‌ خوێندنی‌ ئاماده‌یی‌ ته‌واو كردووه‌، له‌كۆتایی‌ ساڵی‌ 1975 په‌یوه‌ندی‌ كردووه‌ به‌ریزی‌ كۆمه‌ڵه‌ی‌ ماركسی‌ لینینی‌ كوردستانه‌وه‌، ساڵی‌ 1981 بووه‌ به‌پێشمه‌رگه‌ له‌ناوه‌ندی‌ كۆمه‌ڵه‌و له‌ 19/10/1989 تا ناوه‌راستی‌ ساڵی‌ 1990 له‌زیندانی‌ ئه‌منه‌ سوره‌كه‌ی‌ شاری‌ سلێمانی‌ ده‌ستگیركراوه‌و له‌ساڵی‌ 1998 بووه‌ به‌ئه‌فسه‌ر له‌ئاسایشی‌ گشتی‌ له‌سلێمانی‌‌و ئێستا موقه‌ده‌مه‌ له‌پۆلیسی‌ گومرگی‌ شاری‌ سلێمانی.‌

وێنه‌یه‌ك سیروان و ڤیان به‌ره‌و جیابوونه‌وه‌ ده‌بات

saholaka — Wed, 03 Dec 2008 15:17:38 GMT

سیروان و ڤیان پاش ئه‌وه‌ی به‌هۆی هاوڕیَیه‌كی ڤیانه‌وه‌ كه‌خوشكی سیروانه‌ په‌یوه‌ندییه‌كی كۆمه‌ڵایه‌تییانه‌ی به‌هیَزیان له‌نیََواندا دروستده‌بیَت كه‌هه‌ر ئه‌م په‌یوه‌ندییه‌ به‌تیَپه‌ڕبوونی كات سه‌رده‌كیَشیَت بۆ خۆشه‌ویستی و دوای 3 ساڵ له‌په‌یوه‌ندی خۆشه‌ویستی هاوسه‌رگیری به‌رهه‌مدیَنیَت، سیروان دوكانداره‌ له‌بازاڕو به‌كاسبیكردنه‌وه‌ خه‌ریكه‌، ڤیانیش فه‌رمانبه‌ره‌ له‌یه‌كیَك له‌فه‌رمانگاكانی حكومه‌تی هه‌ریَمدا، دوای ئه‌وه‌ی ڤیان و سیروان ده‌چنه‌ ماڵی نویَ و ژیانیان به‌واقیعی له‌گه‌ڵ یه‌كتردا به‌سه‌رده‌به‌ن، له‌دوای شه‌ش مانگ به‌رده‌وام له‌كیَشه‌ی خیَزانی و نائاسووده‌یدا له‌گه‌ڵ یه‌كتردا تا ئه‌وپه‌ڕی سنوورو مه‌وداكانی ناته‌بایی و نه‌گونجان ژیانیان له‌گه‌ڵ مه‌رگدا ده‌بیَته‌ هاوڕیَ، ئاخۆ پاش ئه‌و هه‌موو خۆشه‌ویستییه‌ ده‌بیَت هۆكاری ئه‌م هه‌موو كیَشه‌یه‌ چی بیَت؟

به‌ڵیَ پاش ئه‌وه‌ی سیروان هه‌وڵی زۆر ده‌دات له‌گه‌ڵ ڤیاندا بۆ ئه‌وه‌ی به‌ڕاستی و به‌دروستی سیروان تیَبگه‌یه‌نیَت كه‌ بۆچی پیَشتر مامه‌ڵه‌ی به‌م جۆره‌ نه‌بووه‌ له‌گه‌ڵیداو ئیَستا وه‌ك جاران نه‌ماوه‌، به‌ڵام ئه‌م هه‌وڵه‌ی سیروان بیَئه‌نجام بوو، چونكه‌ ڤیان ئاماده‌نه‌بوو كه‌ئه‌و راستییه‌ی پیَبڵیَت، به‌ڵام دوای هه‌وڵیَكی زۆری خوشكه‌كه‌ی سیروان ڤیان ئه‌و راستییه‌ ده‌دركیَنیَت، ئه‌وه‌ش بریتییه‌ له‌دۆزینه‌وه‌ی ویَنه‌یه‌ك كه‌ویَنه‌ی سیروان و كچیَكی دیكه‌یه‌و له‌پشتی ویَنه‌كه‌ به‌ده‌ستوخه‌تی سیروان نووسراوه‌ (ئه‌و كچه‌ی كه‌هه‌تا مردن خۆشمده‌ویَت، به‌ڵام قه‌ده‌ر ریَگه‌ینه‌دا بۆ هه‌میشه‌ پیَكه‌وه‌ بژین) له‌كاتیَكدا كه‌ ڤیان خه‌ریكی چاككردنی كه‌لوپه‌له‌كانی سیروانه‌ له‌ناو دۆڵابه‌كه‌ی سیرواندا ئه‌و ویَنه‌یه‌ی به‌رچاوده‌كه‌ویَت كه‌ئه‌مه‌ بۆته‌ هۆكاری نانه‌وه‌ی ئه‌م گرفته‌، به‌ڵام جیَگه‌ی خۆیه‌تی بپرسین ئایا ویَنه‌یه‌ك كه‌پیَشترو له‌كاتیَكی تردا گیراوه‌ ئایا هیَنده‌ قورسه‌ كه‌ژیانی خیَزانیَك كه‌هه‌مووی خۆشه‌ویستی بووه‌ لیَك هه‌ڵبوه‌شیَنیَت؟
به‌ڵیَ ڤیان له‌پاش بینینی ئه‌و ویَنه‌یه‌ ئۆقره‌ی لیَهه‌ڵده‌گیریَت و نان و خواردن و خه‌وتنی لیَ ده‌بیَته‌ جه‌نگه‌ڵی دۆزه‌خ، بۆیه‌ بڕیاری كۆتایی ده‌دات به‌وه‌ی كه‌چیتر له‌گه‌ڵ سیرواندا ژیان به‌سه‌رنه‌بات، چونكه‌ ئه‌وه‌ی مایه‌ی ئاسووده‌بوونیه‌تی له‌ده‌ستیداوه‌و ئیتر هیچ كاتیَك ناتوانیَت ئه‌و ویَنه‌یه‌ له‌به‌رچاوی خۆی ده‌ربكات و ئاماده‌نییه‌ له‌گه‌ڵ كه‌سیَكدا ژیان به‌سه‌رببات كه‌پیَشتر په‌یوه‌ندی خۆشه‌ویستی هه‌بووبیَت وه‌ك ڤیان ده‌ڵیَت: من پیَموایه‌ كه‌خۆشه‌ویستی به‌ته‌نیا به‌كه‌سیَك ده‌به‌خشریَت سیروان ئه‌و خۆشه‌ویستییه‌ راسه‌قینه‌یه‌ی كه‌ من ده‌مه‌ویَت پیَش من به‌خشیویه‌تیه‌ ئه‌و كچه‌ی كه‌ له‌ویَنه‌كه‌دا له‌گه‌ڵیدایه‌و خۆشیویستووه‌ ئه‌و خۆشه‌ویستییه‌شی كه‌ بۆ منی ده‌رده‌بڕی ئه‌وه‌ ته‌نیا سه‌رزاره‌و من بڕوام پیَی نییه‌، بۆیه‌ دوای ئه‌وه‌ی سیروانم دواندو سیروانیش ئه‌و به‌سه‌رهاته‌ی خۆی بۆ باسكردم ئیتر له‌مه‌ زیاتر نه‌متوانی له‌و راستییه‌ تاڵه‌دا بژیم، بۆیه‌ بڕیاری جیابوونه‌وه‌مدا له‌گه‌ڵ سیروانداو به‌ڕیَكه‌وتنی هه‌ردووكمان جیابووینه‌وه‌ ئه‌وه‌شی زیاتر هۆكاری كیَشه‌كه‌یه‌و میَشكی منی هیلاككردووه‌ خیانه‌تی پیَش زه‌واجه‌ كه‌ سیروان پیَش زه‌واج ئه‌و راستییه‌ی پیَنه‌وتم كه‌ به‌ته‌مای كه‌سیَكی تر بووه‌و په‌یوه‌ندی له‌گه‌ڵیدا هه‌بووه‌، ئه‌گه‌ر ئه‌و راستییه‌ی پیَبووتمایه‌ ئه‌وا به‌م ئاكامه‌ نه‌ده‌گه‌یشتین یان زه‌واجم له‌گه‌ڵدا ده‌كرد به‌قه‌ناعه‌تی خۆم و رازی ده‌بووم به‌و په‌یوه‌ندییه‌ پیَشینه‌یه‌ی كه‌ سیروان هه‌یبووه‌ یانیش رازی نه‌ده‌بووم و زه‌واجمان نه‌ده‌كرد، بۆیه‌ گه‌وره‌ترین كیَشه‌ لای من له‌نیَوانی هاوسه‌ره‌كاندا خیانه‌ته‌و راستگۆنه‌بوونه‌ له‌كاتی قسه‌كردن و خۆئاماده‌كردن بۆ چوونه‌ ناو پرۆسه‌ی هاوسه‌رگیریی، بۆیه‌ من هه‌موو كاتیَك كه‌ئه‌و ویَنه‌یه‌و قسه‌ی پیَش زه‌واجی سیروانم به‌بیردا ده‌هاته‌وه‌و له‌میَشكمدا لیَكم ده‌دایه‌وه‌ ئیتر هه‌ستمده‌كرد كه‌ سیروان پیَده‌چیَت خراپتریشی كردبیَت و من لیَی بیَئاگاببم و له‌داهاتووشدا راستم له‌گه‌ڵ نه‌كات له‌كایه‌كانی تری ژیاندا، بۆیه‌ له‌مه‌زیاتر توانام نه‌ماو ناچاربووم داوای جیابوونه‌وه‌ بكه‌م و له‌گه‌ڵ سیرواندا جیابوومه‌وه‌، بۆیه‌ داوا له‌سه‌رجه‌م له‌كوڕان و له‌كچان ده‌كه‌م كه‌پیَش چوونه‌ ناو پرۆسه‌ی هاوسه‌رگیری ئه‌و پیَشینه‌و په‌یوه‌ندییانه‌ی كه‌هه‌یانبووه‌ له‌گه‌ڵ كه‌سانیتردا به‌ڕاستگۆیی بیخه‌نه‌ڕوو، هۆكاری دابڕان و به‌یه‌كترنه‌گه‌یشتن روونبكه‌نه‌وه‌ بۆئه‌وه‌ی له‌ژیان و زه‌واجیَكی ته‌ندروستدا خۆیان ببیننه‌وه‌و به‌دوورببن له‌كیَشه‌ خیَزانییه‌كان.

دادگای‌ ئێران رێگه‌ی‌ دا ئه‌م كچه‌ تۆڵه‌ی‌ خۆی‌ بكاته‌وه

saholaka — Wed, 03 Dec 2008 15:15:55 GMT

مونه‌ به‌هرامی‌ ئه‌و كیژۆڵه‌ ئێرانییه‌یه‌ كه‌ چوار ساڵ له‌مه‌وبه‌ر له‌ لایه‌ن گه‌نجێكه‌وه‌ به‌تێزاب ده‌م‌و چاوی‌ ده‌سوتێنریت، پاشئه‌وه‌ی‌‌ رازی‌ نابێت شوو به‌گه‌نجه‌كه‌‌ بكات.

چوارساڵ له‌مه‌وبه‌ر ماجد موفاهدی‌ داوا له‌ مونه‌ به‌هرامی‌ ده‌كات شووی‌ پێبكات، به‌ڵام مونه‌ رازی نابێت، كوڕه‌كه‌ش پاش هه‌وڵێكی‌ زۆر له‌گه‌ڵ كچه‌كه‌، بۆی‌ رازی ناكرێت، سه‌رئه‌نجام بڕیاده‌دات بۆ ئه‌وه‌ی‌ كچه‌كه‌ بۆ كه‌س نه‌بێت ده‌م‌وچاوی‌ به‌ته‌واوه‌تی‌ تێكبدات‌و به‌تێزاب بیسوتێنی‌، كوڕه‌كه‌ كاره‌كه‌ی‌ به‌ئه‌نجام ده‌گه‌یه‌نێت‌و بۆ هه‌تا هه‌تایه‌ مونه‌ی‌ له‌ خۆشییه‌كانی‌ ژیان بێبه‌ش كرد.

دادگای‌ تاوانه‌كانی‌ ئێرانیش به‌پێی‌ شه‌ریعه‌تی‌ ئیسلام بڕیاری‌ تۆڵه‌ی‌ بۆ كچه‌كه‌ ده‌ركرد، به‌وه‌ی‌ كه‌ به‌تێزاب ده‌م‌و چاوی‌ كوڕه‌كه‌ بسوتێنێ، به‌ڵام كچه‌كه‌ رازینابێت ده‌م‌و چاوی‌ كوڕه‌كه‌ بسوتێنێ، به‌ڵكو داوای‌ كرد به‌دوو قه‌تره تێزاب‌ هه‌ردوو چاوی‌ كوڕه‌كه‌ كوێر بكرێت، بۆ ئه‌وه‌ی‌ بزانێت كه‌ نه‌بوونی‌ چاو له‌ ژیاندا چه‌ند سه‌خته‌.

Personal site

بۆ جاری 190 هه‌مین له‌سه‌ر دزی ده‌ستگیركرا

‌‌‌له‌شفرۆشی له‌ کوردستان

مامۆستایه‌كی زانكۆ نمره‌ به‌رامبه‌ر سێكس ده‌گۆڕێته‌وه‌

چیرۆكی‌ ئه‌و كچه‌ی‌ له‌لایه‌ن ئامۆزاكه‌یه‌وه‌ به‌زۆر كراوه‌ به‌ژن

هاوڵاتییه‌ك بۆ بازرگانی‌ كردن به‌مادده‌ هۆشبه‌ره‌كانه‌وه په‌نا ده‌باته‌ به‌ر قورئان‌..

ڕێگه‌ی خۆشه‌ویستی

په‌تی‌ سێداره‌ی‌ زیندانی‌ ئه‌بو غرێب له‌سلێمانی‌ نمایشكرا

په‌تی‌ سێداره‌ی‌ زیندانی‌ ئه‌بو غرێب له‌سلێمانی‌ نمایشكرا

﻿وێنه‌یه‌ك سیروان و ڤیان به‌ره‌و جیابوونه‌وه‌ ده‌بات

دادگای‌ ئێران رێگه‌ی‌ دا ئه‌م كچه‌ تۆڵه‌ی‌ خۆی‌ بكاته‌وه

وێنه‌یه‌ك سیروان و ڤیان به‌ره‌و جیابوونه‌وه‌ ده‌بات